பிரபாகரனுடன் முடிந்து போன புலிகளின் வரலாறு : வரலாற்றுத் தொகுப்பு

2006ம் புலிகள் யுத்தத்தைத் மணலாறில் வலிந்து தொடங்கி அதில் தோற்ற போது, இது தான் அவர்களின் கடைசி யுத்தம் என்று சொன்னவர்கள் நாங்கள். தொடர்ச்சியாக இதை சொன்னதுடன், அதை விளக்கியும் வந்தோம். இதை எப்படி எம்மால் இவ்வளவு தெளிவாக துல்லியமாக சொல்ல முடிந்தது! ஏன் உங்களால் அதை பார்க்கவும், இதை ஏற்றுக்கொள்ளவும் முடியாமல் போனது! இந்த கேள்விகளுக்கு இவை பதிலளிக்கும்.

நாம் தனித்த நின்ற போதும், இதை ஏற்றுக்கொள்ள யாரும் முன்வராத போதும், நாம் தொடர்ச்சியாக தொடர்ந்து விளக்கி வந்தோம். இதில் இருந்து மீளும் மாற்று வழிவகைகளையும் கூறி வந்தோம். இப்படி மே 16 வரை எழுதிய பல கட்டுரைகiளில் சிலவற்றை இங்கு தொகுத்துள்ளோம்.

நாங்கள் அன்று தொடர்ச்சியாக சொன்னது, மிகத் துல்லியமாக சரியாகவும் நடந்துள்ளது. அதை உங்கள் மீள் ஆய்வுக்காகத் தருகின்றோம்.

அத்துடன் மே 16 புலிகள் சரணடைந்தது எப்படி? இதன் பின்னான சதிகள் முதல் இன்று வரையான அனைத்து அரசியல் மோசடிகளையும் கூட இதில் தொகுத்துள்ளோம்.

2009 மே 16 முடிந்து போனதை, முன்கூட்டியே நாம் சொன்னதால், நாம் தீர்க்கதரிசிகளல்ல. நாம் சமூகத்தை ஆழமாக உள்வாங்கியதால், எம்மால் இதை தெளிவாக சொல்ல முடிந்தது. இதைப் புரிந்து கொள்ளவும், விளக்கவும் எமக்கு மார்க்சியம் உதவியது.

எங்கே எப்படி தவறுகள் நடந்தது என்பதையும், எவை எல்லாம் போராட்டத்தை தோற்கடித்தது என்பதையும் தெரிந்து கொள்ள இக் கட்டுரைகள் உங்களுக்கு உதவும். இக் காலகட்டத்திலும் சரி, இன்றும் சரி, இவை யாரும் இவ்வளவு துல்லியமாக அணுகியிருக்காத விடையங்கள். அன்று பலரும் புலிகளை தோற்கடிக்க முடியாத ஒன்றாகவே கருதினர். நாங்கள் புலிகளின் இறுதித் தோல்வியைச் சொல்லி, போராட அழைத்தோம். இதை இன்று தெரிந்து கொள்வதன் மூலம்தான், எதிர்காலத்தையாவது மக்களுக்காக உண்மையாக போராட முடியும்.