எதுங்கடா சமத்துவம் ?

பழைய சோறு கொழம்பு
வாங்குறதுக் கோசரம்
ஐயர் போகவா
மேகலை நகர் முத்தம்மா....
அதுவும்
புழக்கடை பக்கமா போனாத்தான்.
ஊருக்குள்ள
பொணம் விழுந்தா
வள்ளுவந் தெரு
வாசகி புருஷனுக்குச் சேதி வந்துடும்
எரிக்கவோ...புதைக்கவோ...
எப்பவுமே.
முதலியாரு
மூணு வயசு மவன கண்டாலும்
இடுப்புக்குத் துண்டு போகனும்
இல்லன்னா செருப்படிதான்
இப்பவும்
ச்சீசீ...
பெரிசா பீத்திக்காத
சமத்துவபுரமுன்னு.

-நீரை.ப.மகேந்திரன்