தூதுவராலய தூதுவர்கள்- நெடுந்தீவகன்

இயற்கைவளமே
எங்கள் பலமென்று வாழ்ந்தவர் நாம்
கடலும் வயலும் பனையும் தென்னையும்
கனிதருமரங்களும் எங்கள் சொந்தம்
எங்கள் நிலத்தில் மூச்சுவிட்டு இருக்கவிடு
இராணுவ அரண்களை இடித்து விலகு

இரந்து நின்றவரல்லர் எமது சொந்தங்கள்
உழுது வாழ்ந்தவர்கள்
உழைப்பால் நிமிர்ந்தவர்கள்
குமுறும் அலையிலும்
பாய்மரம் கட்டி கடலோடி வாழ்ந்தவர்கள்
சுடுமணலும் புழுதியும்
எம் பாதத்துக்குப் பரிட்சயமானவை
கடுகளவும்  அநீதிக்கு அடிபணியா
நீதிக்கு குரல்கொடுக்கும் 
நெஞ்சுரமே மண்வாடை

போர் ஓய புலத்தே புற்றீசலாய்
அரச பரிவாரங்கள் ஆலாய்ப்பறக்கிறது
விழிப்பாய் இருப்போம்
————————————நெடுந்தீவகன் ………………………………………